ମୁମ୍ଵାଇ ୦୪।୧୨; ବଲିଉଡ୍ର ଭର୍ସାଟାଇଲ ଅଭିନେତା ଅଜୟ ଦେବଗନ । 'ଶୈତାନ' ପରେ ଏକ ନୂଆ ମିଶନ ଆରମ୍ଭ କରିବାକୁ ପ୍ରସ୍ତୁତ। ସୋସିଆଲ ମିଡିଆରେ 'ରେଡ-୨'ର ନୂଆ ପୋଷ୍ଟର ସେୟାର କରି ଅଭିନେତା ରିଲିଜ୍ ଡେଟ୍ ଘୋଷଣା କରିଛନ୍ତି। ଇନଷ୍ଟାଗ୍ରାମରେ 'ରେଡ ୨'ର ପୋଷ୍ଟର ସେୟାର କରି ଅଜୟ ଦେବଗନ୍ କ୍ୟାପସନରେ ଲେଖିଛନ୍ତି,' ଅମୟ ପଟ୍ଟନାୟକଙ୍କ ପରବର୍ତ୍ତୀ ମିଶନ ମେ ୨୦୨୫ରୁ ଆରମ୍ଭ ହେବ! 'ରେଡ ୨' ୧ ମଇ ୨୦୨୫ ରେ ରିଲିଜ୍ ହେବାକୁ ଯାଉଛି!
ବହୁ ପ୍ରତୀକ୍ଷିତ ଚଳଚ୍ଚିତ୍ର 'ରେଡ୍ ୨'ର ଲାଟେଷ୍ଟ ପୋଷ୍ଟର ପ୍ରଶଂସକଙ୍କୁ ଉତ୍ସାହିତ କରିଛି। ସୂଚନା ଅନୁଯାୟୀ, ଅଜୟ ଦେବଗନଙ୍କ ସହ ରିତେଶ ଦେଶମୁଖ, ବାଣୀ କପୁର, ସୌରଭ ଶୁକ୍ଲା, ବରଣ ଶର୍ମା, ଅରବାଜ ଖାନ ଏବଂ ଅନ୍ୟ ତାରକାମାନେ ଆଗାମୀ ଚଳଚ୍ଚିତ୍ରରେ ଗୁରୁତ୍ୱପୂର୍ଣ୍ଣ ଭୂମିକାରେ ନଜର ଆସିବେ। ଏହି ଚଳଚ୍ଚିତ୍ରର କାହାଣୀ ରାଜ କୁମାର ଗୁପ୍ତାଙ୍କ ସହ ଆଦିତ୍ୟ ବେଲନେକର, ରିତେଶ ଶାହା ଲେଖିଛନ୍ତି। ରିତେଶ ଶାହା 'ପିଙ୍କ' ଏବଂ 'ଏୟାରଲିଫ୍ଟ'ର କାହାଣୀ ମଧ୍ୟ ଲେଖିଥିଲେ।
୨୦୧୮ରେ ରିଲିଜ୍ ହୋଇଥିବା କ୍ରାଇମ୍ ଥ୍ରୀଲର ରେଡ ର ସିକ୍ଵେଲ ହେଉଛି’ ରେଡ-୨’। ଫିଲ୍ମ 'ରେଡ' ମଧ୍ୟ ରାଜକୁମାର ଗୁପ୍ତାଙ୍କ ଦ୍ୱାରା ନିର୍ଦ୍ଦେଶିତ ହୋଇଥିଲା। ଯାହା ବକ୍ସ ଅଫିସରେ ସଫଳ ହୋଇଥିଲା । ଏହି ଚଳଚ୍ଚିତ୍ରରେ ଅଜୟ ଦେବଗନଙ୍କ ସହ ଇଲିଆନା ଡି’କ୍ରୁଜ, ସାନନ୍ଦ ବର୍ମା ଏବଂ ସୌରଭ ଶୁକ୍ଲା ପ୍ରମୁଖ ଭୂମିକାରେ ଥିଲେ। ଏହି ଚଳଚ୍ଚିତ୍ରରେ ଅଜୟ ଦେବଗନ୍ ଜଣେ ଆୟକର ଅଧିକାରୀ ଭୂମିକାରେ ଅଭିନୟ କରିଛନ୍ତି। ଯାହାର ନାମ ଅମୟ ପଟ୍ଟନାୟକ। ଏହା ଇନକମ ଟ୍ୟାକ୍ସ ରେଡ୍ ଉପରେ ନିର୍ମିତ ଏହି ଚଳଚ୍ଚିତ୍ରଟି ଏକ ପ୍ରକୃତ ଘଟଣା ଉପରେ ଆଧାରିତ ।
